Viser innlegg med etiketten Lykke. Vis alle innlegg
Viser innlegg med etiketten Lykke. Vis alle innlegg

fredag 3. juli 2020

                         Sommarbryllaup


 Kløvereng i hagen er lykke



   Meir kortreiste varer, elske når eg klare å finne alt eg treng i hagen og grøftekanten.

 Blomstene skal få sove på hagebordet i natt, svalt og godt nå.

Då er alt klart til levering i morgon.










tirsdag 26. februar 2019


                            For ein dag

 Når me arbeider med gratis materialer, er bonusen at me kan gå på tur og hente akkurat når det passar oss. I dag var ein slik dag - litt tåke, men sola er der, bekken klukkar, blomstene sprett og fuglane gjer meir enn synge - blir ganske våryre me og.
 Først var me i marka og henta einergreiner - utruleg masse flotte emne, største problemet er å begrense seg.

Kva me skal bruke greinene til ?  Vent å sjå :)
 Så måtte me berre ein tur innom den magiske skogen - eit lys og ein stemning som ikkje kan beskrivast med ord.  Helse i kvart eit steg.

 For ein lykkedag - den fantastiske turen og trillebåra full av mose og einergreiner.



Me rakk å lage eit par hjerter også.
 Stein i skogen - glede i hjerta.



søndag 27. januar 2019


                       Bjørkelykke


 Veit ikkje om "bjørkelykke" er eit forrektig ord, men eg likar det  - og så er det i alle fall rett at me blir lykkelege av å arbeide med bjørkeris. Først turen i skogen, så gleden over det som etterkvart veks fram.


 Teknikken kallast nålebinding - me brukar store nåler og syr med brunt bøtegarn.
 Størrelse og form bestemmer ein heilt sjølv - og for dei som kjenner oss er det vel ingen løyndom at det største fatet er mitt.
Stjerna og hjertene er surra med ståltråd.

fredag 3. mars 2017

Blomster i hagen

 Blomstrande resultat av ein liten runde i hagen 1 mars, glad i våren eg.







                                                 








 Denne irisen har skifta farge,  mykje mørkare i blåfargen då den vart planta, men fin likevel synes eg.

 Lykke å plukke helgebuketten i ei slik eng, god helg.

torsdag 20. oktober 2016

Bjørkehjerter

 Livet som bjørketre i grøftekanten er slutt  - "alt har si tid" Men lykke for oss som samlar naturmaterialer.

 Resultat av gårsdagens kurs. Glede, mestring, såre hender og god lukt - kan ikkje bli så mykje bedre.

fredag 7. oktober 2016

Fredagslykke

Balsam for kropp og sjel å komma til Line på ein slik dag.
 Så utruleg flott landskap, minner litt om New Zealand. Ikkje det at eg har vore på New Zeland, men det er noko med dei rette trea, litt utypisk,  mest vindskeive og krokete tre her.
 Møtte ein triveleg mann her idag. "Så fint å snakke med deg" sa han. "Det er så vakkert her, og det går ikkje å fortelle det til noko som ikkje har opplevd det" Så hadde me ein god prat om livet og kor fantastisk flott det er på Line.  Magisk øyeblikk
 Fotte villsauene og, sjølvom dei åt opp eple mitt mens eg bada.

Bru sett frå Linesteinen


 Dagens fangst: ein stor boks med glasskår og ein pose med kongler.  Kan fort bli noko av det.





 Koppholdar til kaffekoppen høyrer med ein slik dag.
                                                   Storskarven ved Grønnland
              
Mitt forslag til haustferieaktivitet - ein tur til Line