Viser innlegg med etiketten gjer kvardagen god. Vis alle innlegg
Viser innlegg med etiketten gjer kvardagen god. Vis alle innlegg

søndag 10. mai 2020

                           Ny hage
 Lenge lenge sidan eg har posta noko her, men sidan "Hagen for alle" har skreve stykke om meg nå - og sagt at eg "bloggar om kreative prosjekter i hagen" så må eg gjere det då.  Denne underlege koronavåren der eg ikkje har kunna hatt folk i verkstaden, har gitt meg mykje ekstra tid til hagearbeid og nye prosjekter. Me har eit ganske stort område i hagen me aldri har "komt over" eller tatt i bruk. Her har eg lenge drøymt om å gjere noko kjekt, og plutseleg berre skjedde det - når været i tillegg har vore så velsigna godt, har dette vore ein god ting å styre med.


 Måtte  grave meg litt ned for å legge plattingen i flukt med bakken, så har kjørt bort uendeleg mange lass med jord - beste treninga eg kan få. Og når eg ikkje har tid å vente på hjelp for å flytte ein litt for tung stein, er det berre å finne fram spett og rundstokkar.

 Det som eg også likar særleg godt med dette prosjektet er at det er eit gjenbruksprosjekt. Når naboen fjernar plattingen i hagen sin, takkar eg ja til alt - dermed er det berre skruar og duken under som er ny.
 Gamal murebalje, funne på strandtur, blir vannspeil - og stein er både vakkert og kjekt. Litt "pottel" å få det fint rund slike former, men sjølvgjort er velgjort.
 Målet har vore å få denne ferdig til 17 mai - om det går, gjenstår å sjå. Uansett, gleden i prosjeket har vore min og den har vore stor heile tida - eg lovar å komme med oppdateringar på framdrifta.

tirsdag 26. februar 2019


                            For ein dag

 Når me arbeider med gratis materialer, er bonusen at me kan gå på tur og hente akkurat når det passar oss. I dag var ein slik dag - litt tåke, men sola er der, bekken klukkar, blomstene sprett og fuglane gjer meir enn synge - blir ganske våryre me og.
 Først var me i marka og henta einergreiner - utruleg masse flotte emne, største problemet er å begrense seg.

Kva me skal bruke greinene til ?  Vent å sjå :)
 Så måtte me berre ein tur innom den magiske skogen - eit lys og ein stemning som ikkje kan beskrivast med ord.  Helse i kvart eit steg.

 For ein lykkedag - den fantastiske turen og trillebåra full av mose og einergreiner.



Me rakk å lage eit par hjerter også.
 Stein i skogen - glede i hjerta.



onsdag 17. oktober 2018


             Hortensia på flyttefot


Så gjekk me til verks med motorsag og gravemaskin - ja for det måtte verkeleg krefter til då dei store  hortensiarøtene skulle opp or den gode jorda i Hauaskog. Her har dei blomstra så flitig i 30 år. Lite visste dei, om at dei skulle bli ein del av europeisk kulturhovedstat, då dei blei med meg heim som kasserte potteplanter frå Kolnes Blomster ein gong på midten av 80 tallet.



 Så nå er blomstene i trillebåra - tidlegare innlegg, bytta ut med røter på flyttefot. Har vore hortensia i hagen på Hedleshaug så lenge eg har butt her, men no blir det mykje meir - ein liten hortensiaskog trur eg :)

Er det andre som har lyst på ein bit eller to blir det salg av hortensiarøter  i Hortensiahagen førstkommande lørdag mellom 14 og 16
Denne lørdagen er det lov å kjøre til Kyllinghuset,  derfrå må du gå opp i Hortensiahagen - ta med bøtte, søppelsekk eller noko anna å bære i,  og støvlar er anbefalt fottøy. 
Me tek 50 kr. pr. rotbit kontant eller vipps til Aud Jorunn eller Jofrid    Send gjerne ein melding om du er inressert, så har me litt peiling på kor mange me skal legge av.



 Ein siste bukett på gravemaskinen takkar for uendeleg mange blomstergleder.
 Og då eg gjekk heim den kvelden stråla himmelen i same farge som trillebåra - for meg vart det løfte om ny sommar og ny blomstring ein annan stad.


onsdag 19. september 2018


                      Mandagslykke


 På ein heller regntung onsdagskveld passar det godt å tenke tilbake på ein flott mandag. Etter morgonbadet går eg i Hauaskog og skjer hortensia.


Så ein neve med nøtter - aldri smakar hasselnøttene så godt som når dei er nyplukka og knekte med stein på stein i Hauaskog.


Full-lasta og klar for bytur. Ei ny veke er godt igang :)

mandag 13. august 2018


                       Hortensia




 Sjølvplukk i Hortensiasvingen er nå igang.





                                            Lykke

 Her ser du Hortensiablomsten - i knopp og utsprungen. Når denne er avblomstra blir det meir fargespel i høybladene - det me kallar blomsten - og den blir meir holdbar i vase.


tirsdag 13. mars 2018



Ka gjer du ? 
Dette er eit spørsmål eg ofte får, eit spørsmål utan enkle svar. Eg gjer så mykje rart. Dette året har eg bl.a tenkt å trene meg på å seie at eg er kunstnar - det er eit stort ord.

 Som kunstnar har eg nå laga 3 skiferkrukker, her er mi første. Mykje arbeid, men eg likar arbeid og arbeid er helse, så dette er berre kjekt.

 Denne er 60 cm. høg og vek 130 kg.  Har ein drøm om å lage dei ganske mykje større, men foreløpig har det blitt den størrelsen som vises på bilde under.

         
Flettar med pil og har forskjellige dekoroppdrag.
        
 Og så bruker eg mykje tid saman med Maria, og hjelper henne å finne "sin veg"  Akkurat nå går den via plastsøppel frå strandkanten til fanstastiske fuglar.
                                         Her er Hegren på veg.

Og her er to fantastiske Havsuler - heilt ufatteleg kva den dama kan skape av taustumpar som me dessverre finn altfor mykje av.  Det blir salgsutstilling "ein vakker dag"

              Åpen dag på Hedleshaug lørdag 17.3  kl 14-16

onsdag 27. september 2017

Velkommen til Hedleshaug

Det har skjedd mykje på Hedleshaug denne våren. Byggeperioden er ikkje heilt ferdig, mange meiner forresten at det kjem den heller aldri til å bli. Ei dama med så mange ideear og draumar kan vanskeleg stoppast.
Har nokon lyst å komme innom er det berre å ta kontakt - åpningstidene her er når eg er heime :) Denne hausten planlegg me også å være på folkeverkstaden på Vikevåg ein dag i veka - eit spennande prosjekt som eg kjem tilbake til.


Me er stadig på tur med trillebåra. Og når me har lasta opp altfor mange steinar saman med plastsøppel og andre skattar - kjem det jammen ein engel på traktor og kjører lasset heim.


Så utruleg mykje flott å møte på, på ein tur til Bruhalsen ein heilt vanleg onsdag.

Etter ein runde i vaskebaljen tryller Maria fram fantastisk flotte fuglar av plastsøppel - 100 % ikkje nedbrytbare, men gjennbruk på høgt plan. Det blir salgsutstilling våren 2018.

Eg får det betre til med pil,  undrast på om det er kylling i egget ?
Og så har me endeleg starta med krukkeproduksjon i nytt lokale. Her er starten på mi første skiferkrukke - dette er spennande.
Som sagt, er det noko som fristar, treng du inspirasjon, ein plante til hagen, eit hjerta til veggen, ein kaffeskvett og ein drøs eller har du lyst å gå på kurs - ta kontakt:  tlf. 975 38 321, jofridbru@gmail.com eller Hedleshaug på facebook